|
|
|
by: SUDERSHAN JATANA
| KIS WAASTE KHUDA BATAA PAIDA KIYA JAHAAN | | ‘AADAM’ ‘HAWAA’ KO KHULD SE DHAKEL KAR TU NE! | | YEH JAANTE HUEY BHI KE DONO THEY GUNHAGAAR
PHIR BHI GUREZ NA KIYA UNKO NIKAAL KAR!
BUNIYAAD HI TU NE RAKHI NAPAAK JAHAAN KI
PHIR KIS TARAH MUMKIN HO ZAMIN PAAK HI RAHEY!
LAALACH WA HUKM ADOOLI HI BUNYAAD HO JIS KI
KYUNKAR BHALAA INSAAN HO ASHRAF-UL-MAKHLOOQAAT!
HAI KASHMAKSH JAARI PADHA HAI AZAL-E-JAHAAN SE
ZAATI MAFAAD-O-HAWAS-O-TAAQAT HI KI KHAATIR!
HAI AB TALAK BARPAA WOHI WEHSHAT-O- JAHAALAT
HAR DAHAR HAR PEHLOO MEN TARAQQI KE BAAWAJOOD!
HAR SU AJAB MAAHOL HAI NAFRAT KA KYUN TAARI
KYUN BAN GAYAA INSAAN HI INSAAN SE HAIWAAN!
FIRQAA PARASTI BAN GAYAA INSAAN KA MAZHAB
JIS KI SADAA HI GOONJ RAHI HAI FIZAAON MEIN!
TU AI KHUDA ZAMIN PE IK INSAAN BAN KE DEKH
HAI DARD KYA INSAAN KA HOGA ILAM TUJHEY!
KAB IKHT-E-TAAM HOGA IS WEHSHAT KA AI YAARAB
KYA KHULD MEN KOI BHI ‘MASEEHA’ NAHIN BACHA?
IS “DARD” KO TO DARD KA RISHTA LAGEY AZEEM
INSAANIYAT SE BADH KE TO MAZHAB NAHIN KOI!
|
|
|
|
Email this page
Print this page