INDOlink

Hindi-Urdu Poem Ghazal   by: Ameen Asim   
Email this page
Print this page


Apnay dukh bhi usay sunaanay heN
zakhm dil kay magar chhupaanay heN

dil ke hujray ke aik konay meN
dafn yadooN ke kuchh khazaanay heN
pehlay nikla naeeja kia, ab phhir
haath baanday miri doa ne heN
rabt baaqi hay ab faqat itna
us ke khat kuchh abi jalaanay heN
chhaT hi jaaiN gay hijr kay baadal
saaray mosam hi aanay jaanay heN
pehlay martay thay dosti per log
man ghhaRat qissay heN, fasaanay heN
teer koi naya nahiN aaya
ghaao dil ke sabhi puraanay heN
koi heela nahiN manaanay ka
roothnay ke to so(100) bahaanay heN
dekhh Asim ye meri palkooN per
ashk heN ya gay zamaanay heN

Home About Us Jobs Comments Contact Us Advertise Terms of Service Privacy Policy
Copyright © 1995-2014 INDOlink.com, Inc. All Rights Reserved.
INDOlink, Planet Bollywood, "Best of Both Worlds", "Linking Indians Worldwide" are trademarks of INDOlink.com, Inc.